Выбранае. Леў Гарошка

Айцец Леў Гарошка (1911–1977) – грэкакаталіцкі святар, ён багата займаўся вывучэннем гісторыі хрысціянства ў Беларусі і асабліва мінулага і сучаснага яму стану ўніяцкай царквы, аналізаваў падзеі ў асяроддзі беларускай эміграцыі пасля Другой сусветнай вайны. Сёння, калі аднавіліся ганенні на каталіцкую і ўніяцкую цэрквы ў Беларусі, а значная частка беларусаў ізноў вымушаная жыць у замежжы, напісанае айцом Львом у 1940–1950х гг. набывае асаблівую актуальнасць. Прапанаваная чытачу кніга «Выбранае» рэпрэзентуе як тэксты пра аўтара, гэтак і ягоныя ўспаміны ды працы аб рэлігійнай гісторыі Беларусі, а таксама рэфлексіі пра беларускую эміграцыю.