Сіняя світа. Казкі, легенды, паданніі

Калі ў Грузіі або Латвіі, Славакіі або Швецыі расказваў сябрам і калегам пра кніжную серыю "Беларуская народная творчасць", у якой больш за паўсотні важкіх акадэмічных тамоў, не адразу давалі мне веры.

У нашай фальклорнай скарбонцы і такія неацэнныя дыяменты, як казкі, легенды, паданні. Прычым збор іх – ці не самы багаты і яскравы сярод усіх еўрапейскіх народаў. Адных толькі сюжэтаў легендарных казак даследчыкі налічваюць у беларусаў каля 500, тады калі ва ўкраінцаў іх 196, а ў рускіх – усяго толькі 56.

Чытаць і перачытваць беларускія народныя казкі, раз-пораз вяртацца да іх – гэта вялікая, дзівосная асалода.